AS PEGADAS E SINAIS DOS XABARÍNS

As pegadas amosan en moitos casos as pezuñas secundarias (dependerá en parte do peso do animal ou da consistencia do barro) o que as fai inconfundibles con outras especies, pero non sempre é así e na meirande parte das ocasión só poderemos ver a pezuñas principais cun tamaño duns 5 centímetros.

Pegadas de xabaríns (Sus scrofa) no Regato Vilar (Concello de Oia, Pontevedra). Fotografía: NFR-ANABAM.

No revolcadeiro (bañadoiro ou baña) o barro proporciona aos xabarís unha capa protectora fronte aos insectos. Tamén teñen unha función sexual e durante a época de celo só os machos dominantes acceden a estes lugares (https://fototrampeobm.wordpress.com/2014/08/23/xabarins-sus-scrofa-no-revolcadeiro/).

Revolvadeiro ou baña de xabarín en Loureza (Concello de Oia, Pontevedra). Fotografía: NFR-ANABAM.

Revolvadeiro de xabaríns no piñeiral de Camposancos (Concello de A Guarda, Pontevedra). Fotografía: AFL-ANABAM.

Nas proximidades do revolcadeiro é frecuente atopar árbores onde os xabarís se refregan e afían os caninos (rascadeiros e afiadeiros) arrincando a codia e que son visitados frecuentemente. Nestes troncos  podemos atopar restos da pelaxe do animal que quedan enganchados na codia.

Rascadeiro de xabarín no piñeiral de Camposancos (Concello de A Guarda, Pontevedra). Fotografía: AFL-ANABAM.

As fozas son outra das sinais inequívocas da presenza de xabaríns e nelas levantan tramos de terreo na procura de alimento, maiormente raíces e cogomelos.

Foza de xabarín no piñeiral de Camposancos (Concello de A Guarda, Pontevedra). Fotografía: AFL-ANABAM.

Máis información sobre a especie:

http://www.anabam.org/FAUNA.PEGADAS.html

http://www.rios-galegos.com/mam10.htm#as_súas_pegadas:

BERMEJOS

Os rayóns nacidos na pasada primavera perden as característica librea e adquiren unha tonalidade avermellada.

Sus scrofa L.

A gran adaptabilidade e unha dieta omnivora levou a que a área de distribución dos xabaríns (Sus scrofa) ocupe gran parte de de Europa sendo introducida no continente americano.

RAIÓN (Sus scrofa)

Na imaxe un raión, cría de xabarín (Sus scrofa) coas características raias lonxitudinais que perderá a partir dos seis meses de idade para adquirir unha pelaxe encarnada.

XABARÍNS (Sus scrofa) NO REVOLCADEIRO

Os baños de barro ademáis de desparasitar teñen unha función sexual para os xabaríns (Sus scrofa) e na época de celo (inverno) só os machos dominantes teñen acceso a estes lugares.

PORCO BRAVO (Sus scrofa)

Esquivos, os xabaríns (Sus scrofa), protagonizan fugaces aparicións fronte a cámara. A pesar disto, as súas pisadas evidencian a presenza destes animais en gran parte da xeografía da comarca.

XABARÍN (Sus scrofa)

De alimentación omnívora, o Xabarín ou Porco Bravo (Sus scrofa) forma grupos matriarcais, as piaras.